Οπις: (Αρχαία πόλη της Βαβυλωνίας στην Ασία, δίπλα στο ποταμό Τίγρη)
Σε Συμπόσιο μπροστά σε 9000 αξιωματούχους και προύχοντες από κάθε φυλή, Έλληνες, Πέρσες, Μήδους, Ινδούς, Αιγύπτιους, Φοίνικες κ.α.
Τον διέσωσε ο φιλόσοφος Ερατοσθένης που ήταν ο 3ος Διευθυντής της Βιβλιοθήκης της Αλεξάνδρειας.
----------------------------------------------------------------------------------
Αλέξανδρος Ι - Όπις (324 π.Χ.)
ΠΟΝΤΙΑΚΑ
Ο " ΟΡΚΟΝ " ΤΗ ΜΕΓΑΛΟΥ ΑΛΕΞΑΝΔΡΟΥ
ΟΠΙΣ, 324 ΠΧ
Σε Τσιμπούκχ εμπροστά σε 9000 ζελεμένους αξιωματικούς και ιμπροϊστούς από κάθαν μιλλέτ , Ρωμαίοις , Πέρσες , Μήδους , Ινδούς , Αιγυπτίους , Φοίνικας και άλλτς . Εγουτάρεψεν ατον ο φιλόσοφον Ερατοσθένης ο οποίος έτον ο 3ον Πιταγωγόν τη Βιβλιοθήκης τη Αλεξάνδρειας.
Ευκχίουμαι σ' όλτσες σουν ατώρα που τελείνταν οι πόλεμοι, να ήστουν καλορίζικοι απές σην ειρήνην.
Όλ οι ανθρώπ άπα δα και υστερία να ζουν άμον έναν μιλλέτ , αγαπεμέν για το χαϊρ τη κοσμί. Να έκχετε την κόσμινη για πατρίδα σουν , με τα ίδια νόμους για όλτσες σουν ήνπεν θα πουγιουρεύνε οι αργυροί από όποιον μιλλέτ και να είναι. Κι χωρίζω τ' ανθρώπς , όπως έφτανε οι ανεγροίκιστοι, σε Ρωμαίοις και Γουρδουγκέληδες. Κι διαφέρμαι απόθεν είν' οι πολίτες νε το μιλλέτ νατ τουν . Αποξαμώνατς με έναν και μαναχόν κρισονολόϊ την Αρετήν .Για τε μεν κάθαν καλός Γουρδουγκέλης εν Ρωμαίος και κάθαν κακός Ρωμαίος εν κι άλλο χειρότερος από Γουρδουγκέλην .
Αν καμμίαν παρουσιάσκουντανεσουν έτερα , κι θα κρούτε τ' έναν τ' άλλο με τα όπλα , αμάν θα λύζετέ τα ειρηνεμένα . Άμα εν ιλαζούμ θα στέκω ανάμεσα σουν και πιτάζω σας . Τον Θεόν κι θα πρέπ'να έκχετέ τον να πουγιουρεύ άμον αφέντην άπαν σο κιφάλ νε σουν , αμάν άμον τον κύρην ολονών , για να εμέζ η ζωή σουν με την ζωήν ντ' έφτανε τ' αδελφέ απές σην φαμέλιαν .
Ασ' εμέν μερέαν όλτσες σουν έλέπω σας τογρία , άσπρους και μαυρειδενούς και θα εθέλνα να μη εκουσκεύκουστουν ότι ήστουν μαναχόν χουζμετζήδες σ' εμόν το Χωροσώρ , άμα να νουνίζετε ότι ήστουν μέτοχοι και γιαρένοι.
Όσον περάν ασ' σο κχέριμ , θα ογρασεύω να ήντανε αληθιτικά ατά ντο υπεσχέθα .
Ατόν τον όρκον ντ' εδέκαμε απόψ με γουρπάνε , κρατέστε τον άμον κοντράτον εγάπης .
2 σχόλια:
Τα πολλά λόγια είναι περιττά!!!!!!!
Τα πολλά λόγια είναι περιττά!!!!!!
Δημοσίευση σχολίου